නින්දට පෙර

Monday, July 4, 2011

ඔබ නිදා ගත යුතු කාලය අන් අයගෙන් වෙනස් වේ. එබැවින් අන් අය හා සැසඳීමෙන් තමාට ප්‍රමාණවත් නින්දක් නොලැබේයැයි තීරණය කළ නොහැක.නිදා ගන්නා කාලය තුළ ඉඳහිට අවදිවීමද සාමාන්‍ය දෙයක් බව අවබෝධ කරගත යුතුය. එලෙස අවදි වූ විට නින්ද යන තුරු ‘ඇඟිලි ගනිමින්’ සිටීම මෙන්ම නින්ද නොයෑම ගැන කනස්සලු වීමද එම තත්වය උග්‍ර කිරීමට හේතු වේ.

සෑම දෙනාටම කලින් කලට හොඳ නින්දක් නොලැබෙන අවස්ථා අත්විඳීමට සිදුවේ. ප්‍රශ්ණ,ගැටළු ආදිය නිසා ඇතිවන මානසික ආතතිය, ජීවත්වන පරිසරය වෙනස් විට ආදී තාවකාලික ගැටළු එයට හේතුවන අතර සාමාන්‍යයෙන් එම තත්වය කෙටි කලකින් යථා තත්වයට පත්වේ.



නින්දට යාමට පැය කිහිපයක් ඇතුලත නින්දට අහිතකර දේවලින් වැළකීම


1) දුම්පානය හා මත්පැන් භාවිතයෙන් වැලකීම


2) කැෆේන් අඩංගු බීම වර්ග නොගැනීම (තේ,කෝපි,චොකලට් ආදිය)



3) ඔබ නිදන කාමරය සුවදායී, ශබ්ද අඩු තැනක් විය යුතුය. අධික ආලෝකය, අධික උණුසුම මෙන්ම අධික සීතලද නින්දට බාධා කරයි. සෞම්‍ය සංගීතයකට සවන්දීම ඇතැම් අයට නින්ද පහසු කරයි. නිදා ගන්නා ඇඳේ සිට පොත්පත් කියවීම, රූපවාහිනි බැලීම ආදී දේ කිරීමට පුරුදු නොවිය යුතුය.



4) දුරකථනය නිදා ගැනීමට යන විට ක්‍රියා විරහිත තැබීම නුවණට හුරුය.


5) නිදාගැනීමට පෙර තුළඋණුසුම් ජලයෙන් ඇඟ සේදීම.



6) නින්දට පෙට ඔබ කායිකව හා මානසිකව සැහැල්ලු තත්වයකට පත් කිරීමට මේවා භාවිතා කල හැකිය. පිළිවෙළින් හිසේ සිට පාදාන්තය තෙක් මස් පිඬු තද කර ඉහිල් කිරීම, හුස්ම ගැනීමේ ව්‍යායාම ආදී සැහැල්ලු වීමේ ක්‍රම ගණනාවක් තිබේ.


7) බර ආහාර වේලක් ගැනීමෙන් වැළකීම (සැහැල්ලු ආහාරයක් ගැනීම නින්දට ඵලදායී වේ)

නින්ද


අපට නින්ද අවශ්‍යම දෙයක් හරියට ඇතුවත් නැතුවත් බැරි දෙයක් වගේ. නින්ද යනු සිහිය හා බාහිර උත්තේජයනට ප්‍රතිචාර දැක්වීමේ හැකියාව අවම මට්ටමක පවතින, කායික ක්‍රියාකාරිත්වය අඩු , ස්වාභාවික තත්වයකි.

නින්දට ගොස් යලි අවදිවීම යනු දැල්වූ බල්බයක් නිවා දමා යලි දැල්වීම වැනි සරල ක්‍රියාවක් නොව, අවධි ගණනාවකින් සමන්විත සංකීර්ණ ක්‍රි
යාවලියකි. සත්ව ලෝකය පුරා නිරීක්ෂණයට ලක්වුණු නින්ද ස්වභාවික කායික විරාමයකි. එය සියලු ක්ෂීරපායී සතුන්ටත් කුරුල්ලන්ටත් උරගයින්ටත් උභය ජීවීන්ට හා මත්ස්‍යයන්ටත් පොදුය.

නින්ද යෑමේ අවධි

නින්ද අප ජීවන චක්‍රයේ ඉතා සරල සංසිද්ධියක් එහි බලපෑම බලවත්
ය. නින්ද නොමැති වුවහොත් ශරීර චක්‍රය හා ක්‍රියාකාරිත්වයන්ගේ (body clock and functions) සමබරතාවය වෙනස් කිරීමට එය අධික ලෙස බලපායි.

1) පැය 7 ප්‍රමාණවත් නින්දක්


බොහෝ දෙනෙකුගේ අදහස නම් අපට දිනකට පැය 7 - 8ක් පමණ නින්දක් අවශ්‍ය බවයි.(West Virginia University පර්යේෂණකට අනුව) යමෙකුට අවශ්‍ය නින්ද පුද්ගලයාගෙන් පුද්ගලයාට විශාල වශයෙන් වෙනස් වන අතර ඇතැමුන් දිනකට පැය 3- 4 ක නින්දකින් සෑහීමකට පත්වේ.

විශේෂයෙන්ම වයසට යාමේදී නිදා ගැනීමට අවශ්‍ය කාලය අඩුවේ. ලදරුවෙකු දිනකට පැය 16-17 ක් නිදාගන්නා අතර වයස්ගත වූවෙකුට අවශ්‍ය නින්ද පැය 5-6 ක් වේ. තරුණ වයසේ අයෙකු සාමාන්‍යයෙන් පැය 6-8 ක් පමණ නිදා ගනී.එම නිසා යමෙකු නිදාගෙන අවදිවීමෙන් පසු ඔහුට සාමාන්‍ය පරිදි කටයුතු කල හැකිනම් (අඩු නින්ද නිසා ඇතිවන ගැටළු වලින්
තොරව) එය ප්‍රමාණවත් නින්දක් යැයි කිව හැකිය.


2) නිදි වැරීම බඩගින්නේ සිටීමට වඩා බලවත්??


ඔබට ශරීරයට කිසිදු ආහාරයක් නොගෙන සති 2ක් වැනි කාලයක් සිටිය හැකි වුවද නින්දක් හා විවේකයක් නොමැතිව ඔබට සිටිය හැක්කේ උපරිම දින 10ක් පමණි.


3) නිදාගන්නා ඉරියව්ව ඔබේ පෞරුෂත්‍වය පිලිබිඹු කරයි


නිදාගන්නා ඉරියව්ව ඔබේ පෞරුෂත්‍වය පිලිබඳ යම් අදහසක් දෙන බව බ්‍රිතාන්‍ය පරීකෂණයකින් හෙලි වී ඇත.


4) කාන්තාවන්ට පිරිමින්ට වඩා වැඩි කාලයක්


කාන්තාවන්ට පිරිමින්ට වඩා වැඩි කාලයක් නින්ද සඳහා අවශ්‍ය බව ඉහත බ්‍රිතාන්‍ය පරීකෂණ කණ්ඩායම සොයා ගෙන ඇත. මේ සඳහා හේතුවී ඇත්තේ කාන්තාවන්ගේ මොලයට අමතර මිනි. 20 ක කාලයක් ආතතිය යථා තත්වයට පත්කිරීමට අවශ්‍ය බව හෙලි වී ඇත.